Ambasadori i SHBA në Kosovë, Hovenier u takua me peshkopin Teodosie, dënoi sulmin ndaj kishës në Prizren

51

Ambasadori i Shteteve të Bashkuara të Amerikës në Prishtinë, Geoffrey Hovenier, ka takuar sot peshkopin Teodosi të Rashkës-Prizrenit dhe ka dënuar tentativën për djegien e kishës së Shën Panteleimonit në Prizren gjatë festave të Pashkëve, duke u bërë thirrje autoriteteve që të sjellin autorët para drejtësisë.

Jam i nderuar që jam takuar me peshkopin Teodosi me rastin e festës së Pashkëve Ortodokse. Ne folëm për tema të rëndësishme, duke përfshirë lirinë fetare – tha Hovenier në Twitter.

Honored to meet with Bishop Teodosije to mark Orthodox Easter and discuss important topics, including religious freedom.  Kosovo’s constitution enshrines religious rights for all Kosovans, who must be free to worship without impediment or discrimination. 1/2 pic.twitter.com/2VJlLN7vb4

— Ambassador Jeff Hovenier (@USAmbKosovo) April 18, 2023

Në këtë takim Hovenier ka theksuar se Kushtetuta e Kosoves garanton të drejtat fetare për të gjithë banorët. Të gjithë duhet të jenë të lirë të besojnë, pa ndërhyrje apo diskriminim. Hovenier e ka shfrytëzuar këtë rast për të dënuar “incidentin shqetësues”, lidhur me tentativën për djegien e kishës së Shën Panteleimonit në Prizren. U bëj thirrje autoriteteve të hetojnë krimin dhe të nxjerrin autorët para drejtësisë, ka thënë Hovenier në Twitter.

I also took the opportunity to condemn the troubling arson incident targeting the Serbian Orthodox Church of St. Panteleimon in Prizren over the Orthodox Easter holidays.  I urge authorities to fully investigate the crime and bring the perpetrators to justice. 2/2

— Ambassador Jeff Hovenier (@USAmbKosovo) April 18, 2023

Policia e Kosovës më herët ka njoftuar se një zjarr ka shpërthyer në afërsi të derës së kishës serbe të Shën Panteleimonit në Prizren mbrëmë vonë dhe është shuar.