Ministri i Punëve të Brendshme, Xhelal Sveçla ka thënë se janë të vendosur që veriun ta bëjnë “pjesë të zakonshme” të shtetit.
Ai tha se kjo i pengon Serbisë, ndërsa në këtë pikë e sulmoi opozitën. Sipas tij, disa “eksponentë të caktuar” në skenën politike vendore po i bëhen zëdhënës Beogradit,
“Ne jemi më të vendosur që veriun e Kosovës ta bëjmë pjesë të zakonshme -si të gjitha të tjerat – të Republikës së Kosovës”, tha Sveçla në një lidhje direkte në televizionin publik.
“Dikujt, sidomos Beopgradit, kjo nuk i levërdis. Kjo është në kundërshtim me planet e tyre”, shtoi ai
Më tej, i sulmoi kundqrshtarët politikë në Kosovë, duke thënë se ata po bëjnë diçka “të keqe” dhe “të dhimbshme”.
“Është me të vërtetë shumë gjë e keqe, është e dhimbshme se si eksponentë të caktuar në skenën politike të Republikës së Kosovës i bëhen zëdhënës kësaj qasjeje”, tha Sveçla
