45 
Presidenti i Serbisë, Aleksandar Vuçiq, e ka falënderuar Azerbajxhanit që ka votuar kundër aplikimit të Kosovës për anëtarësim në Këshill të Evropës.
Azerbajxhani ishte një prej 7 shteteve që votuan kundër në Komitetin e Ministrave, që të procedohet aplikimi i Kosovës në Asamblenë Parlamentare. Në favor votuan 33 shtete, ndërsa pesë abstenuan.
Vuçiq është takuar të enjten me ministrin e Punës dhe Mbrojtjes Sociale të Azerbajxhanit, Sahil Babaev, dhe e ka falënderuar atë.
“Serbia një akt të tillë e konsideron shprehje të miqësisë së sinqertë”, tha Vuçiqi, njofton Presidenca e Serbisë.
