Kryedemokrati Sali Berisha ka pasur një përgjigje edhe për komentet e kryeministrit Edi Rama, i cili i referohet koalicionit “Bashkë Fitojmë” me fjalën “zorrë qorre”.
“Ramës i është “kallë data”, qëkur doli nga spitali ka pasuruar fjalorin, i ka ngelë “zora e trashë” në gojë. Rama e mbyll ciklin e pushtetit me këtë rast.”
Berisha është shprehur i bindur se asgjë nuk mund të pengojë fitoren e kanddiatëve të “Bashkë Fitojmë”:
“Ata që kryejnë krime elektorale, do të ndiqen deri në fund të jetës së tyre. I bëj thirrje administratës të mos bëhet skllave e qeverisjes që po qeveris vendin. Çdo shkelje ligji do të pasohet me pasoja të rënda. Krimi elektoral do të shpallet krimi i rëndë dhe parashkrimi për krimin elektoral do të hiqet.”
“Asgjë nuk do të mundet të pengojë fitoren e kandidatëve tanë. Rama është i pashpresë. E siguroj Ramën se pas fitores në këto zgjedhje, ai do të përballet me largimin e tij.”
