Partitë pro-serbe e pro-ruse në Mal të Zi e kan kundërshtuar e dënuar votën e Malit të Zi pro anëtarësimit të Kosovës në Këshill të Evropës. Për shkak të kësaj vote, këto parti e kanë ftuar kryeministrin në detyrë të Malit të Zi, Dirtan Abazovq, të jep sqarime në Komisionin për Marrëdhënie Ndërkombëtare të Parlamentit të Malit të Zi.
Seanca dëgjimore e Abazoviqit e cila do të mbahet më 3 Maj, u mbështet nga deputetët e Frontit Demokratik pro-rus (DF), ata të Partisë Popullore Socialiste pro-serbe (SNP) dhe Demokratëve, me sugjerimin e kryetarit të Komisionit, Miodrag Lekiq.
Po ashtu një komunë që udhëhiqet nga Fronti Demokratik (DF), një parti pro-serbe dhe pro-ruse,në parlamentin e Zetës do të paraqitet Deklarata për anulimin e Vendimit të Qeverisë së Malit të Zi për njohjen e pavarësisë së Kosovës.
Që nga mbajtja e zgjedhjeve presidenciale të Marsit, në të cilat u zgjodhë presidenti i ri Jakov Millatoviq, është folur se Mali i Zi mund ta ndërroj kursin politik në raport me Kosovën përshkak të ndikimit të partive politike me orientim pro rusë, të cilat po pozicionohen fuqishëm në skenën politike në Malin e Zi.
Lidhur më këto zhvillime, për Informim.net ka folur Nikollë Camaj, kryetar i Lidhjes Demokratike të Shqiptarëve (LDSH), i cili ka deklaruar se kur marrim parasyshë iniciatorët, edhe të senacën dëgjimore ndaj kryeministrit Abazovic dhe iniciativa e Komunës së Zetës, të gjitha këto zhvillime shihen si të pritura. “Elementi pro- serb nuk mund t’i shohë ndryshe raportet me Kosovën, vetëm siç i shihte klika milosheviqiane, apo siç i sheh sot klika vuçiqiane, e cila është shumë prezente në politikën e Malit të Zi” .
Sipas z. Camaj iniciativa nuk do të rezultojë me hapa që në këtë fazë mund të dëmtojnë qoftë statusin e Kosovës, qoftë raportet mes dy shteteve. “Them për momentin, pasi që duke parë rriedhat e luftës në Ukraine, si pasojë e agresionit rus, veprimet e tilla s’do të kenë të ndalur dhe efekti i iniciativave të ngjashme do të varet nga ajo se cilat forca politike do te jenë në epërsi, ato pro-evropiane apo pro-ruse”, thotë Camaj.
Nikollë Camaj
Tutej z. Camaj është optimist duke pasur parasyshë siç thotë ai qendrimin pro-europian të Levizjes URA, por edhe lajthitjet pro-eurpuane te “Evropa tani” dhe shpreson se ndikim i boshtit Beograd-Moskë do të zbehet, dhe iniciativat e tilla do të dështojnë edhe në të ardhmen.Sa i perket iniciatives se Zetes, ajo është tejet joserioze, por sidoqftë flet për disponimin anti-shqiptarë të fqinjve të parë të komunës sonë Tuzit, me shumicën shqiptare, thotë ai
Sa për ndikimin e Serbisë,, sipas z. Camaj kjo tashmë shihet qartë në disponimin anti-Kosovë, të qarqeve konkrete politike në këtë shtet, e që natyrisht se për këto veprime kanë perkrahjen e Serbisë.
Ndërsa për zgjedhjet parlamentare në Malin e Zi, të cilat priten të mbahën me 11 Qershor, z. Camaj beson se këto zgjedhje më shumë do të ndikojnë më tepër në qartësimin e pozicioneve të spektrit politik serbo-malzez se sa shqiptar, pasi që partitë shqiptare pothuajse e kanë të qartë qendrimin ndaj këtyre dukurive. Ajo që nuk e kanë mjaft të qartë është se si të luftohen keto dukuri, ka deklaruar në fund kryetari i LDSH-së, z. Nikollë Camaj/Informim.net
