Kampionia olimpike, Distria Krasniqi, u rendit e pesta e botës në Kampionatin Botëror të xhudos, që po mbahet në Doha të Katarit.
Në luftën ‘maratonike’ për të bronztën, që zgjati më shumë se 10 minuta, Krasniqi ishte e pafat, pasi u mund nga dy herë medalistja olimpike, italianja Odette Giuffrida, kategoria -52 kg, e cila, përkundër pasivitetit, nuk ndëshkohej nga gjyqtarët.
Me vendin e 5-të, Disi fiton 720 pikë olimpike Paris 2024.
Sot garoi edhe Erza Muminoviq, e cila fatkeqesisht u ndal në luftën e parë. Gjithsesi shpresojmë dhe urojmë që dita e nesërme t’ju sjelle fat Nora Gjakovës (-57 kg), Flaka Loxhes (-57 kg) dhe Akil Gjakovës (-73 kg).
