Mijëra skenaristë amerikanë janë në grevë që nga 2 maji. Ata kërkojnë rritje të pagave dhe garanci minimale për të përfituar një punësim të qëndrueshëm përballë rritjes së transmetimeve.
Nje mbeshtetje u erdhi të hënën në Shtëpia e Bardhë ku Joe Biden tha se ai “shpresonte” që skenaristëve në grevë në Hollywood do t’u ofrohet shpejt një marrëveshje “e drejtë”. “Unë sinqerisht shpresoj se greva e shkrimtarëve në Hollywood do të zgjidhet dhe se skenaristeve do t’ju ofrohet marrëveshja e drejtë që meritojnë sa më shpejt të jetë e mundur,” tha ai përpara një shfaqjeje për nder të komunitetit aziatik në Shtetet e Bashkuara.
Demokrati 80-vjeçar, kandidat për një mandat të dytë, deri më tani nuk kishte folur për këtë konflikt social, ai që nuk humbet asnjë rast për të mbështetur kërkesat sindikaliste.
Mijëra skenaristë të televizioneve dhe filmave amerikanë filluan një grevë më 2 maj për shkak të dështimit të negociatave me studiot dhe platformat kryesore që lidhen veçanërisht me rritjen e shpërblimit të tyre.
Ata gjithashtu kërkojnë garanci minimale për të përfituar nga punësimi i qëndrueshëm dhe një pjesë më e madhe e fitimeve të gjeneruara nga rritja e transmetimeve. Studiot nga ana e tyre pretendojnë se duhet të ulin kostot për shkak të presioneve ekonomike. Por ky argument nuk është aspak bindës sepse disa punëdhënës, duke pasur fitime, rrisin pagat e drejtuesve të tyre.
