Distria Krasniqi (-52 kg)
Në raundin e parë ishte e lirë, në raundin e dytë ajo mposhti me Ippon në vazhdime gjermanen, Mascha Ballhaus. Në raundin e tretë Kampionia Olimpike mposhti me tri dënime për Ippon belgen, Amber Ryheul. Në çerekfinale mposhti me Ippon edhe koreanen Seyun Jang. Në gjysëmfinale u takua me japonezen, kampionen aktuale olimpike në këtë kategori, Uta Abe, nga e cila humbi me dy Wazaari për Ippon. Në vazhdim u kualifikua të ndeshej në repasazh, pas një ndeshje të gjatë prej 8 minutash në vazhdime humbi me Wazaari nga nënkampionia olimpike nga Rio 2016, italianja Odette Giuffrida.
Distria Krasniqi përfundoi e 5-sta në këtë kampionat botëror dhe fito 720 pikë.
Nora Gjakova (-57 kg)
Në raundin e parë ishte e lirë, në raundin e dytë ajo mposhti me Ippon, italianen Thauany David Capanni Dias. Në raundin e tretë mposhti me Ippon, gjermanen Seija Ballhaus. Në çerekfinale u ndal nga garuesja turke, Hasret Bozkurt, nga e cila humbi me Ippon. Nora u kualifikua të ndeshej në repasazh, ajo në ndeshjen e parë të repasazhit takohet me koreanen Mimi Huh.
Nora përfundoi garen pa medalje duke u renditur në vendin e 7 dhe fitoi 520 pikë olimpike.
Akil Gjakova (-73 kg)
Në raundin e parë mposhti me Wazaari dhe 3 dënime për Ippon, rumunin Adrian Sulca. Në ndeshjen e dytë mposhti me Ippon, koreanin Heoncheol Kang. Në raundin e tretë, humbi me 2 Wazaari për Ippon nga italiani, Manuel Lombardo dhe nuk vazhdoj tutje. Akili fitoi 320 pikë Olimpike nga ky Kampionat Botëror.
Flaka Loxha (-57 kg)
Në raundin e parë e zuri në mbajtje (osae-komi) dhe mposhti me Ippon, garuesen nga Mauritiusi, Christianne Legentil. Në raundin e dytë Loxha u takua me brazilianen, Jesicca Lima, nga e cila humbi me Wazaari dhe përfundoj rrugëtimin e kësaj gare.
Loxha nga ky Kampionat Botëror fitoi 240 pikë Olimpike.
