Tom Hanks realizoi një tjetër kryevepër, këtë herë jo për ta parë, por për ta shfletuar. Në fakt, aktori dhe regjisori i çmimeve të shumta kaloi nga sheshi në raftet e librarive duke botuar romanin e tij të parë.
“The Making of Another Major Motion Picture Masterpiece” doli më 9 maj dhe u frymëzua nga karriera e tij e gjatë në Hollywood. Libri mbulon një hark kohor prej rreth 70 vitesh. Pika e nisjes është viti 1947, kur një marins amerikan kthehet nga Lufta e Parë Botërore.
Burri i bën përshtypje të madhe nipit të tij pesëvjeçar, i cili ndërsa rritet e bën atë superheroin e një stripi komik, i cili nga ana e tij do të kthehet në një kolos kinematografik, i vendosur në epokën bashkëkohore. Romani eksploron, hap pas hapi, krijimin e një filmi, nga një aktor kryesor kapriçioz, në një aktore të mrekullueshme, përmes një regjisori tëçuditshëm si dhe punëtorëve të panumërt që punojnë në prapaskenë.
