Hailey Bieber ka folur së fundmi në një intervistë për të pasur fëmijë me bashkëshortin e saj Justin Bieber.
Modelja tha se dëshiron shumë të ketë fëmijë me bashkëshortin e saj. Megjithatë pranoi se shqetësohet për të sjellë një fëmijë në jetën e saj publike. “Unë qaj për këtë gjatë gjithë kohës!” tha ajo për Sunday Times. 26 vjeçarja shtoi se i do shumë fëmijë, por ka frikë. “Mjafton që njerëzit të thonë gjëra për burrin ose miqtë e mi. Nuk mund ta imagjinoj që të përballem me njerëz që thonë gjëra për një fëmijë”.
“Ne mund të bëjmë më të mirën që mundemi për t’i rritur ata, mjafton që ata të ndihen të dashur dhe të sigurt”, thotë ajo teksa fliste për të pasur fëmijë me bashkëshortin e saj yllin e popit një ditë.
