Deputetja e PDK-së, Ganimete Musliu ka reaguar pas avancimit në QKUK të bashkëshortes së deputetit të Vetëvendosjes, Mefail Bajçinovci.
Ajo e ka quajtur shpifës ordiner deputetin e VV-së.
“Shpifësit ordiner i paska djegë „shpifja“ për bashkëshorten e vet. Epo dikur, kur ti instrumentalizoje shpifjet për familjarët e të tjerëve nuk të interesonte fare as bagazhi i tyre profesional dhe as dinjiteti i tyre njerëzor. Nuk të interesonte as data e as viti kur ishin pranuar dhe as padrejtësitë që kishin kaluar në proceset e avancimit. Dhe nuk të intereson as sot kur janë në pyetje të therët. Sot të intereson ta justifikosh avancimin e bashkëshortes tënde e cila sado e zonja të jetë do t‘i vuaj pasojat e standardeve te mbrapshta e të dhjetëfishta që ke krijuar ti dhe bandat që u shkon ti mbrapa.”, ka shkruar Musliu.
