Gjykata Supreme e ka hedhur poshtë si të pabazuar kërkesën e mbrojtjes së Nagip Krasniqit për mbrojtje të ligjshmërisë.
Krasniqi akuzohet për vepra penale si ’Keqpërdorimi i pozitës apo autoritetit zyrtar’’, ‘’Ushtrimi i ndikimit’’, dhe ‘’Konflikti i interesit’’, gjatë kohës sa shërbente si shef i KEK’ut. Pozita e tij është e pezulluar.
Për refuzimine ankesës së avokatëve ka njoftuar Gjykata Supreme teksa ka kumtuar këtë refuzim.
”Kolegji i Gjykatës Supreme e ka refuzuar si të pabazuar kërkesën për mbrojte të ligjshmërisë ndaj të pandehurit N.K., të paraqitur kundër aktvendimit të Gjykatës Themelore në Prishtinë dhe aktvendimit të Gjykatës së Apelit të Kosovës”>
“Në çështjen penale ndaj të pandehurit N.K., për shkak të veprave penale: keqpërdorimi i pozitës apo autoritetit zyrtar, ushtrimi i ndikimit, keqpërdorimi i pozitës apo autoritetit zyrtar, konflikti i interesit, duke vendosur përkitazi me kërkesën për mbrojtje të ligjshmërisë të mbrojtësve të pandehurit, avokatët Virtyt Ibrahimaga dhe Taulant Ferizi, në seancën e mbajtur më datë 16.05.2023, kolegji i Gjykatës Supreme vendosi për refuzimin e kësaj kërkese”, thuhet në njoftim.
Pos tjerash, Krasniqi dyshohet edhe që “e detyroi shefin e prokurimit të nënshkruaj kontratë të dëmshme”.
Krasniqi po mbahet në paraburgim për shkak të akuzave të ngritura të tij. Procesi po vazhdon. /Gazeta Express
Më poshtë e gjeni vendimin e Supremës rreth kërkesës së avokatëve të Krasniqit.
