Dëshmitari i mbrojtur i Prokurorisë Speciale, i koduar si ‘Dëshmitari 3165’, ka thënë se ushtarët e Ushtrisë Çlirimtare të Kosovës ia morën familjarët gjatë luftës në Kosovë.
Gjatë dëshmisë së tij në seancën e Gjykatës Speciale ndaj Thaçit dhe të tjerëve, ‘Dëshmitari 3165’ tha se e kishte marrë veturën dhe i kishte ndjekur ushtarët.
Dëshmia e ‘dëshmitarit 3165’:
Prokurorja: Dje e lamë kur po flsinim për faktin që anëtarë të UCK-së morën të afërmin tuaj, kur këta e morën, ti iu shkove mbrapa atyre.
Dëshmitari: Po.
Prokurorja: Pse i shkove mbrapa?
Dëshmitari: Me i këqyr, çka u bo pse i morën.
Prokurorja: Kur po i ndiqje, a pe ndonjë policë serbë?
Nuk dëgjohet
Prokurorja: Pas pak a ri-erdhe tek një vend ku duhej të merrje vendim cilën rrugë të ndiqje, nga të shkoje kështu.
Dëshmitari 5: Po.
Prokurorja: A mund të na thoje çfarë kishte nga secila rrugë apo drejtim që do merrje?
Dëshmitari: Po mendon para se me marrë makinën apo kur i kanë marrë të afërmit e mi, i kanë hyp në kerrë dhe iu kam dalë përpara.
Prokurorja: Po të sqaroj, kam parasysh. Mbasi e morën të afërmit tënd dhe ti more kerrin, kur shkove deri në një vend dhe aty t’u desh të marrësh vendim të shkoje rrugën trup apo rrugën tjetër. Pa thënë emra, a mund të na shpjegosh çka kishte në secilin drejtim?
Dëshmitari 5: Pasi e kam marrë kerrin, e kam marrë edhe armën edhe i kam hypë kerrit që i kanë marrë të afërmit e mi me maska. Edhe në dalje të fshatit i kishin zbrit dy të afërmit e mi nga makina, edhe vetëm babën e kishin lanë mrena në makinë. Edhe këtyne…
Prokurorja: Kush e kontrollonte atë anën që more ti?
Dëshmitari 5: Policia ishin nga fshati tetë kilometra larg. Ishte nën kontroll të UÇK-së.
Prokurorja: Kjo zonë, ishte në kontroll të UÇK-së apo të serbëve?
Dëshmitari: UÇK-së.
(Seancë private)
