Dizajnerja 51-vjeçare e bizhuterive u arrestua së bashku me një burrë në Ibiza Town pas një sherri në një restorant.
Jade Jagger është gjobitur për sulmin ndaj një oficeri policie në Ibiza. Vajza 51-vjeçare e këngëtarit të Rolling Stones, Sir Mick Jagger, u arrestua së bashku me një burrë në Ibiza Town të mërkurën. Kjo pas një sherri në një restorant në kryeqytetin e ishullit.
Në një seancë dëgjimore të premten, Jagger ra dakord të paguante gjobat prej 1,200 euro (1,040 £) për rezistencë ndaj autoriteteve dhe 200 euro (173 £) për shkaktimin e lëndimeve të lehta, si dhe 800 euro (695 £) si kompensim për oficerin e policies, tha një gjykatë spanjolle. Ndërsa burri, i identifikuar vetëm me inicialet e tij A.W. u dënua me katër muaj burg për sulm. Në Spanjë, dënimet me burg nën dy vjet përgjithësisht pezullohen nëse i pandehuri nuk është dënuar më parë.
