Daniil Medvedev fitoi finalen e Open Italian 2023 në Romë të dielën pasdite, kur mundi kundërshtarin e tij danez 7-5 dhe 7-5. Mund të thuhet se Rusi ishte më i mirë në këtë ballafaqim sepse luftoi për një fitore në terren të pafavorizuar për të. Medvedev gjithmonë ka folur për vështërsitë e tija për të luajtur në dhe duke thënë se nuk i përshtatet më së miri ky lloj terreni.
27-vjeçari Daniil Medvedev nuk kishte fituar asnjë ndeshje në tre paraqitje të mëparshme në Internazionali BNL d’Italia, por të dielen ai e mbylli këtë garë ëndrrash duke e mundur Holger Rune për të triumfuar në Romë.
Ishte titulli i parë i Medvedevit në ATP Tour në dhe në çdo nivel, e lëre më në një Masters 1000. Edhe duke pasur parasysh formën e tij solide në fusha evropiane me dhe para Romës, ish-numri 1 i botës shprehu njëfarë mosbesimi për titullin e tij në Itali dhe pranoi se ky truimf ishte disi e papritur gjë që e bëri atë të jetë një nga më të mirat e tij deri më tani.
“Në një farë mënyre [ky është suksesi im] numër një, vetëm sepse është i pari i fituar në dhe dhe është e pabesueshme,” tha Medvedev në konferencën e tij për shtyp pas ndeshjes. “Nuk do ta kisha menduar kurrë se do të isha në gjendje ta bëja këtë.
“Kjo është e veçantë sepse nuk mendoja se do të ishte në gjendje të ndodhte, [se unë do të mund t’ia dilja. Ende disi nuk besoj… Jo se e fitova, por luajta kaq mirë këtë javë. Nuk e besoj”. “Mënyra se si luajta, jam shumë i lumtur. I lumtur që e kam këtë trofe në shtëpi pas një kohe.”
Titulli i Medvedevit ishte i pesti i tij në një sezon të spikatur 2023, duke përfshirë kurora Masters 1000 në Miami dhe Romë. Medvedev beson se përvoja e tij duke luajtur nën presionin e ndeshjeve të kampionatit në ngjarjet Masters 1000 e ndihmoi atë të ruajë qetësinë në momentet e vështira kundër Rune. Ky rezultat do të jetë një motivim i madh për Medvedev i cili pas këtij turneu tani shkon në Roland-Garros.
