Kryetari i LDK-së Lumir Abdixhiku ka njoftuar nëpërmjet profilit të tij në facebook se Kryesia e LDK-së ka marrë sot vendim për të shkuar në zgjedhje të brendshme të partisë. Ai ka bërë të ditur se thirrja për të shkuar në zgjedhje të brendshme të partisë është në përputhje me afatet statuare të partisë.
Propozimin për të shkuar në zgjedhje të partisë deri tani e kanë miratuar strukturat organizative dhe trupat udhëheqëse të partisë duke i hapur rrugë që ky propozim të diskutohet dhe miratohet edhe nga Këshilli i Përgjithshëm që është organi më i lartë vendimmarrës në parti.
Ai i ka ftuar të gjithë veprimatërt për t’u përfshirë në këtë festë dhe për t’u bërë pjesë e një gare të drejtë dhe të hapur për të gjithë.
“Le ti japim vetes një organizim politik si asnjëherë më parë, e Kosovës, gjeneratave të tashme e të ardhme, shtetin që e kemi ëndërruar gjithherë” ka thënë në fund të komunikatës kryetari i LDK-së, Lumir Abdixhiku.
