Richard Grenell, ish i dërguari special i ish-presidentit Donald Trump për dialogun Kosovë-Serbi, është rrëfyer gjerë e gjatë për jetën e tij politike, por edhe për prapaskenat e diplomacisë. Gjatë emisionit të gjatë, Grenell foli edhe për negociatat mes ish-presidentit Hashim Thaçi dhe homologut të tij serb, Aleksandar Vuçiq, e të cilat i ndërmjetësoi vetë amerikani.
Në një moment, z. Grenell ka rrëfyer edhe për një marrëveshje për ta zhbërë Gjykatën Speciale.
“Por e mora një marrëveshje, si nga Vuçiq i Serbisë dhe lideri i Kosovës, që ishte Thaçi, të dy ata arritja t’i bindja që të binin dakord që të hiqnin gjykatën ndërkombëtare në Hagë. Nuk e di nëse e di këtë histori” – ishte rrëfimi fillestar i Grenellit në emisionin “Top Story nga Grida Duma”.
Në këtë moment ndërhynë zonja Grida Duma, autore e emisionit, duke i kërkuar Grenellit të sqarojë më shumë rreth kësaj teme.
“Do të jem i shkurtë, ajo që bëra në negociata ishte të arrija t’i bindja që ta hiqnin gjykatën ndërkombëtare dhe t’i sjellin sistemet gjyqësore në vendet e tyre dhe ne do ta nënshkruanim këtë si pjesë e marrëveshjes.” – rrëfen Grenell, teksa thotë se gaboi që e njoftoi Departamentin e Drejtësisë.
Tutje, ai e përmendi me emër Jack Smith, ish-kryeprokurorin e Prokurorisë së Specializuar të Gjyaktës Speciale.
