Koreja e Jugut lajmëroi të enjten se lëshoi për herë të parë një raketë Nuri të ndërtuar në vend, duke i hapur rrugën vendit të saj që të ketë një avantazh konkurrues në garën globale të hapësirës.
Raketa me tre faza u ngrit nga një strukturë lëshimi – Qendra Hapësinore Naro – në rajonin bregdetar të vendit, në orën 18:24 me kohën lokale. “Ne i raportojmë publikut se lëshimi i tretë i Nurit, që u zhvillua në mënyrë të pavarur për të siguruar kapacitetin vendas të transportit hapësinor, ka përfunduar me sukses”, tha Ministri i Shkencës dhe Teknologjisë Lee Jong-ho. Raketa ishte mbi 47 metra e gjatë dhe 200 ton në peshë, dhe ka kushtuar rreth dy trilion won (1.5 miliardë dollarë). Ajo ndau me sukses tetë satelitët e tij në orbitë.
Ai shtoi se sateliti kryesor komunikonte me stacionin King Sejong të vendit në Antarktidë. Ai më tej deklaroi se ky lëshim konfirmoi “potencialin e Koresë së Jugut për shërbime lëshimi për operacione të ndryshme satelitore dhe eksplorim hapësinor”. Lee shtoi se Koreja e Jugut do të lëshojë tre raketa të tjera deri në vitin 2027 si pjesë e projektit Nuri. Nisja e Nurit u përshëndet nga presidenti i Koresë së Jugut, Yoon Suk Yeol, i cili beson se do t’i japë vendit një avantazh konkurrues në garën globale të hapësirës. Koreja e Jugut gjithashtu planifikon të ulë anijen kozmike në Hënë deri në vitin 2032 dhe Mars deri në vitin 2045.
