Kryediplomati i Maqedonisë së Veriut, Bujar Osmani, vendi i të cilit aktualisht kryeson me OSBE, e që po qëndron sot në Kosovë, ka bërë thirrje që të ulen tensionet në veri të vendit.
Ai sot kishte në plan të zhvillonte një vizitë edhe në Mitrovicë, por pas zhvillimeve të fundit, ai tha se do ta riplanifikojë atë.
“Si kryesues i OSBE-së, unë bëj thirrje për depërshkallëzimin dhe zbutjen e tensioneve në veri të Kosovës. OSBE është e gatshme të ndihmojë; OSBE në Kosovë misioni ka kredibilitet dhe besim mes njerëzve, institucioneve; vendimtare për ruajtjen e paqes dhe stabilitetit. Unë do të riplanifikoj vizitën time në Mitrovicë sa më shpejt që të jetë e mundur”, ka thënë ai.
As @OSCECiO I call for de-escalation & defusing tensions in the north of #Kosovo. #OSCE stands ready to help; @OSCEKosovo mission has credibility & trust among people, institutions; crucial to preserve peace & stability
— Bujar Osmani (@Bujar_O) May 26, 2023
I'll re-initiate my visit to #Mitrovica as soon as possible
Osmani sot u takua me krerët institucionalë në Prishtinë.
