Kryeministri i Kosoves, Albin Kurti ndryshe nga lideret Amerikan dhe të Bashkimit Europian të cilët reaguan shumë shpejt për trazirat e ndodhura në tri komunat veriore, ka pritur të zbardh dita e së shtunës për të reaguar lidhur me këto ngjarje.
Në një postim në profilin e tij në facebook ai ka thënë se hyrja e kryetarëve të zgjedhur në objektet e komunave përkatëse është detyrë e tyre sepse ata nga aty duhet të ju shërbejnë të gjithë qytetarëve pa dallim. Ai ka thënë se kryetarët kanë hyrë në objektet që i takojnë Republikës së Kosoves duke nënkuptuar se nuk i është marrë askujt asgjë.
Poashtu, kryeministri Kurti thotë se i kupton reagimet dhe shqetësimet e ndërkombëtareve, por sipas tij nuk kishte ndonjë mënyrë tjetër se si të arrihen këto objektiva, në të kundërten do të kishte qenë mospërmbushje e obligimeve të përcaktuara me Kushtetutë.
Në këtë postim kryeministri i ka falenderuar edhe policinë e Kosovës për punën profesionale në mbrojtje të sundimit të ligjit dhe i ka ftuar qytetarët e këtyre komunave që të bashkëpunojnë me kryetarët e zgjedhur sepse ata nuk janë kundër askujt por në shërbim të të gjithëve.
Në fund kryeministri i njofton qytetarët se të gjitha rrugët në veri janë të hapura dhe të kalueshme për secilin.
