Mbreti Charles me sa duket gjeti një mënyrë të përshtatshme për të nderuar Mbretëreshën e Rock ‘n’ Roll-it, Tina Turner, pas vdekjes së saj këtë javë.
Të premten, më 26 maj 2023, në oborrin e një prej rezidencave të monarkut në Londër, Buckingham Palace, një nga hitet më të mëdha të Turner, The Best, u luajt për nder të saj. Sipas Mirror, Banda e Gardës së Uellsit u shoqërua nga Batalioni i Parë i Gardës Uellsian Corps of Drums, teksa performuan një version të hitit të vitit 1989. Këngëtarja legjendare duket se zë një vend të veçantë te Mbreti e sapokurorëzuar pasi ai dhe ish-gruaja e tij, Princesha Diana takuan për herë të parë ikonën e muzikës gjatë Koncertit Rock Prince’s Trust All-Star në Wembley Arena të Londrës në qershor 1986.
Në një paraqitje të vitit 2021, Princi William zbuloi në podcast Time to Walk se Diana luante këngën për të dhe Princin Harry. “Kur isha më i ri, unë dhe Harry ishim në shkollë me konvikt dhe nëna ime luante të gjitha llojet e këngëve për të larguar ankthin e kthimit në shkollë”. Ai shtoi se “një nga këngët” që “e mban mend më së shumti dhe i ka qëndruar” atij “gjatë gjithë kësaj kohe”, të cilën ai pranoi se “ende, edhe sot e kësaj dite” e shijon fshehurazi është “The Best” e Tina Turner.
