Paralajmërimi i KFOR-it nuk u përfill dhe pasi protestuesit serbë të mbledhur në Zveçan nisën përleshjen me ushtarët e misionit paqeruajtës të NATO-s, personat e maskuar dolën në rend të parë, raporton Gazeta Express.
Siç shihet në disa pamje, personat e maskuar janë të janë vënë në sulm kundër ushtarëve të KFOR-it.
Disa prej tyre kanë hedhur gjësende në drejtim të pjesëtarëve të KFOR-it, ndërsa një prej tyre është parë duke goditur mbrojtëset e ushtarëve me shkop bejzbolli.
https://twitter.com/Andreynowar/status/1663200720881852417?ref_src=twsrc%5Etfw%7Ctwcamp%5Etweetembed%7Ctwterm%5E1663200720881852417%7Ctwgr%5E7e61dbf75fdbfff8a2aabfd54aa3c340ba32a229%7Ctwcon%5Es1_&ref_url=https%3A%2F%2Fwww.gazetaexpress.com%2Fperplasja-me-kfor-in-ne-zvecan-maskat-ne-rend-te-pare-me-shkopa-bejzbolli%2F
Më herët, një përfaqësues amerikan i KFOR-it ua ka përmendur përfaqësuesve të Listës Serbe faktin se ka vërejtur një numër të madh të personave të maskuar që u janë bashkuar protestuesve para Komunës së Zveçanit.
Siç raportoi Kossev, përfaqësuesi amerikan i KFOR-it ka thënë se personat e maskuar “po lëvizin në mënyrë të dyshimtë”.
Në këtë rast, raportohet se Igor Simir, nënkryetar i Listës Serbe ka thënë se “duhet t’i mbulojnë fytyrat e tyre në mënyrë që nesër policia të mos i ngacmojë dhe arrestojë ata”.
Gazeta Express ka mësuar se personat e maskuar janë të pajisur me koktej molotovi dhe dyshohet se po qëndrojnë në gjendje gatishmërie që t’i hedhin në drejtim të objektit të Komunës së Zveçanit.
