66 
Kanë kaluar gati 10 vjet që kur Paul Walker vdiq tragjikisht në moshën 40-vjeçare në një aksident automobilistik, por vëllai i tij, Cody, e mban të gjallë kujtimin e tij.
Siç shihet në People, Cody Walker dhe gruaja e tij Felicia e quajtën djalin e tyre të porsalindur Paul, në nderim të yllit të ndjerë të ‘Fast & Furious’. Paul Barrett Walker lindi në fund të muajit të kaluar. “Ky nëntor do të shënojë 10 vjet që kur humbëm vëllain tim, Paulin, dhe ndjeva se ishte koha e duhur,” tha Cody Walker. “Vëllai im, Paul, ishte Paul William Walker IV dhe ky emër daton katër breza,” vazhdoi ai. “Në familje e quanin ‘Pauli i vogël’ ose ‘Pauli 4’, ndonëse shpejt e kaloi babanë tonë në gjatësi. Ishte e rëndësishme për mua që ky emër të vazhdojë”.
