Presidentja e Komisionit Evropian, Ursula von der Leyen, ka paraqitur një plan të ri për të “përshpejtuar rrugëtimin e Ballkanit Perëndimor” drejt BE-së. Ajo ka thënë se plani është i mbështetur në katër shtylla: të sillet Ballkani Perëndimor më afër Tregun e Unifikuar të BE-së, të thellohet integrimi rajonal ekonomik, të përshpejtohen reformat themelore dhe të rriten fondet para-anëtarësimit”.
“Në një formë kjo është qasja e re për Bashkimin Evropian: Ne nuk i kërkojmë partnerët tanë të marrin hapa të rinj drejt nesh, por bëjmë edhe hapa të mëdhenj drejt tyre. Synimi i përbashkët është të shpejtojmë rrugëtimin e tyre drejt BE-së. Dhe për këtë, ne sjellim Bashkimin tonë afër Ballkanit Perëndimor”, tha Von der Leyen në Forumin “Globosec 2023” të mbajtur në Bratisllavë.
