Real Madrid ka konfirmuar se Karim Benzema do të largohet nga klubi këtë verë pas 14 vitesh në Bernabeu.
Largimi i afërt i francezit u konfirmua nga Los Blancos këtë mëngjes në një deklaratë mes raporteve për një lëvizje me para të mëdha në Arabinë Saudite.
Kontrata e tij në kryeqytetin spanjoll skadon në fund të muajit, me ndeshjen e së dielës në shtëpi kundër Athletic Bilbaos që do të jetë lamtumira e legjendës së klubit për tifozët e tij adhurues.
Në një deklaratë thuhej: “Real Madridi dhe kapiteni ynë Karim Benzema kanë rënë dakord t’i japin fund periudhës së tij të shkëlqyer dhe të paharrueshme si lojtar për klubin tonë.
“Real Madridi dëshiron të tregojë mirënjohjen dhe gjithë dashurinë e tij për atë që tashmë është një nga legjendat tona më të mëdha.
“Karriera e Karimit në Real Madrid ka qenë një shembull i sjelljes dhe profesionalizmit dhe ka përfaqësuar vlerat e klubit tonë. Karim ka fituar të drejtën për të vendosur të ardhmen e tij.
