Profesori universitar i filozofisë, Blerim Latifi, ka thënë se nëse vjen puna që Serbia ta sulmojë Kosovën “atëherë ai i pari do ta kap pushkën”, duke iu referuar luftës.
Por para kësaj, Latifi në Pressing të T7 teksa po debatonte me gazetaren, Alisa Braho, tha se dinjiteti i një vendi është ushtria dhe ekonomia.
Braho teksa fliste thoshte se “Kosova duhet të sillet me dinjitet”. Por kjo mori përgjigjen e Latifit.
”A e din çfarë quajmë dinjitet në marrëdhëniet ndërkombëtare. Nënkupton ushtri dhe fuqi ekonomike, ti as nuk ke ushtri e as fuqi ekonomike dhe po më flet për dinjitet. Nesër me ardhur puna, unë sërish i pari ka me kap pushkën, por tash po flasim për raportet në mes shteteve”, ka thënë Latifi.
Sipas Latifit, çështja e veriut nuk ka lidhje me demokracinë apo sundimin e ligjit, por është problem politik.
”Problemi i Veriut as nuk është problem i demokracisë, as i ligjit. Problemi i Veriut është se pakica serbe që është barrikadu atje prej qershorit 1999 është një pakicë që nuk e njeh e Kosovës”, ka thënë Latifi.
