Manchester City u shpall dje kampion i Evropës për herë të parë në histori, pasi mundën Interin me rezultat 1-0, me golin e shënuar nga Rodri në minutën e 68-të.
Manchester City përfundoi një sezon të suksesshëm pasi më parë kishin fituar edhe Ligën Premier dhe FA Cup.
Tre titujt e fituar futën në arkën e klubit rreth 330 milionë euro. Mediat angleze shkruajnë se me titullin e pestë në gjashtë sezonet e fundit të Ligës Premier, klubi ka marrë rreth 190 milionë euro.
https://twitter.com/ManCity/status/1667872192682422272?ref_src=twsrc%5Etfw%7Ctwcamp%5Etweetembed%7Ctwterm%5E1667872192682422272%7Ctwgr%5E1bd3409f7d3e07a0f4e2b7039636addd2a10bcd4%7Ctwcon%5Es1_&ref_url=https%3A%2F%2Ftelegrafi.com%2Fsa-para-fitoi-man-city-nga-fitimi-tripletes-shuma-eshte-e-cmendur%2F
Klubi mori 4.5 milionë euro shtesë për fitimin e FA Cup. Fitimi i Ligës së Kampionëve solli rreth 135 milionë euro, por edhe një mundësi për të rritur buxhetin.
Man City tani do të shkojë në Kupën e Botës për Klube si fitues i Ligës së Kampionëve. Çmimi për ta fituar është rreth 58 milionë euro.
Në fund të ardhurat do të jenë rreth 400 milionë euro sepse Man City pritet të fitojë Kupën e Botës për klube.
Shuma e fituar është e barabartë me buxhetin total të Juventusit apo Atletico Madridit.
