Ragmi Mustafi nga Këshilli Kombëtar Shqiptar në Luginën e Preshevës është takuar të martën me raportuesen për Kosovën në Parlamentin Evropian, Viola von Cramon në Strasburg.
Mustafi ka thënë se në këtë takim është kërkuar vendosja e standardeve unike për pakicat në gjithë Ballkanin Perëndimor.
“Bashkëbisedim shumë të frytshëm dhe produktiv me Viola Von Carmon, për çështjen e Luginës së Preshevës. Një nga fokuset tona kryesore është vendosja e standardeve unike në Ballkanin Perëndimor për trajtimin e pakicave kombëtare. Duke i dhënë përparësi të drejtave dhe mirëqenies së tyre mund t’i hapim rrugën një zgjidhjeje paqësore në rajon”, ka shkruar ai në Facebook
