Los Blancos kanë njoftuar blerjen e Jude Victor William Bellingham, mesfushorit anglez nga Borussia Dortmund, përmes një shënimi të publikuar në faqen e tyre të internetit.
I lindur në Stourbridge më 29 qershor 2003, talenti ende 20-vjeçar i shkollës së Birminghamit duhet të zbarkojë në kryeqytetin spanjoll për një shifër afër 103 milionë euro.
“Real Madrid CF dhe Borussia Dortmund kanë arritur marrëveshje për transferimin e lojtarit Jude Bellingham, i cili ka nënshkruar me klubin tonë për gjashtë sezonet e ardhshme. Nesër, e enjte, 15 qershor, në orën 12:00 në Real Madrid City, do të zhvillohet ceremonia e prezantimit të Jude Bellingham si lojtar i ri i Real Madridit. Më pas Jude Bellingham do të dalë para mediave”, thuhet në deklaratën e lëshuar nga Real Madrid në faqen e tij zyrtare.
