50
Deputeti i Kuvendit të Kosovës, Haki Abazi, ka reaguar ndaj shakave që ish-kreu i Prishtinës, Shpend Ahmeti i ka bërë gjatë ditës së djeshme me kryeministrin Albin Kurti.
Abazi thotë se kryeministri Kurti e ka bërë punën që të bëj shaka me të një “kryetar komune që për tetë vite madnat ka ngulë kunja dhe ka bë kifle”
“E ka sjellë punën Kurti me ba hajgare me të një kryetar komune, që për tetë vite mandat, ka ngul kunja dhe ka bë kifle. Sipas kritereve dhe praktikës “demokratike” ky i dyti ish dashtë me qenë kryetar i grupit parlamentar të LVV në mandatin e ardhshëm. Kopsht fëmijësh!”, ka shkruar Abazi.
Ahmeti dje ka komentuar bisedën që kryeministri Kurti ka thënë se e ka pasur me Lulzim Hetemin, kreun e Komunës së Leposaviqit.
