Ndërsa beteja vazhdon mes Brad Pitt dhe Angelina Jolie, një ekspozitë e re nga Vanity Fair ka zbuluar detaje të reja të padisë që çdo ditë vjen e bëhet më personale dhe e shëmtuar.
Përpara blerjes së pronës nga çifti, menaxheri i biznesit të Jolie sugjeroi një klauzolë apokaliptike që përcaktonte se nëse çifti ndahej ndonjëherë, secili do të kishte të drejtë të blinte pjesën e tjetrit në Miraval, nëpërmjet Entertainment Tonight. Në një email personal që Jolie i dërgoi Pitt-it më 21 janar 2021, ajo e informoi për “vendimin e saj të dhimbshëm dhe të rëndë” për të shitur aksionet e saj sepse ishte një “biznes i përqendruar te alkooli”. “Edhe tani është e pamundur ta shkruaj këtë pa qarë”, ka shkruar Jolie. “Më e rëndësishmja, është vendi ku i sollëm binjakët në shtëpi dhe ku u martuam në një pllakë në kujtim të nënës sime. Një vend… ku mendoja se do të plakesha… Por është edhe vendi që shënon fillimin e fundit të familjes sonë”.
“Miraval vdiq për mua në shtator 2016”, vazhdoi ajo, duke iu referuar datës së incidentit të supozuar në avion, “dhe gjithçka që kam parë në këto vite e ka konfirmuar fatkeqësisht. Pitt u akuzua se “e kishte kapur për fyti njërin prej fëmijëve dhe goditur një tjeter në fytyrë” gjatë një fluturimi famëkeq privat në 2016, si dhe për “derdhjen e birrës” mbi Jolie dhe fëmijët e tyre. Gjithsesi ndërsa marrëdhënia është acaruar vitet e fundit, Jolie ka shitur aksionet e saj të pronës. Pitt, 59 vjeç, tha se Jolie, 47, “qëllimisht ja mbajti të fshehtë shitjen e pjesës së saj të kantinës familjare një oligarku rus”. Për më tepër, aktori i Fight Club tha se ish-gruaja e tij refuzoi t’i shiste gjysmën e aksioneve të vreshtit sepse “hakmarrëse” pas vendimit të kujdestarisë. Megjithatë, Jolie i ka hedhur poshtë pretendimet. “Realiteti është se [ai] refuzoi të përfundonte shitjen e Miraval me Jolie-n, nëse ajo nuk pranoi të heshtte për abuzimin”, tha një mik i Jolie për Page Six.
