Kryeredaktori i Drejtësia në Kosovë, njëherësh edhe redaktor menaxhues në Kallxo.com, Kreshnik Gashi, i ka bërë thirrje prokurorisë së shtetit, gjegjësisht Ud-kryeprokurorit Besim Kelmendi, që të veprojë e të ndalë, siç thotë ai, “abuzimin me kompetencat në ARBK dhe me mbrojtë median (Klan Kosovën) nga arbitrariteti”.
Gashi thotë se KPM-ja nuk mund t’ia heqë licencën Klan Kosovës pa e dëgjuar ankesën e kompanisë.
“Precedentin e kanë në Prizren kur qeverisja e Haskukës tentonte me rrëzu një qendër tregtare kundërligjshëm. Nuk mundet me trajtu KPM licencën pa e shfrytëzu Klani të drejtën e ankesës ndaj vendimit të ARBK-së. Dy shkallëshmëria është parim bazë juridik”, ka shkruar Gashi në Facebook.