Sot me fillim nga ora 13:00, do të mbahet mbledhja e Kryesisë së Kuvendit të Kosovës, në të cilën në rend dite janë dhjetëra pika që kanë mbetur nga seancat e kaluara të Kuvendit, si dhe propozimi i rendit të ditës për seancën plenare të re.
Mbledhja e Kryesisë Pikat e papërfunduara nga Seanca plenare, e mbajtur më 8 dhe 15 qershor 2023, si ajo për votimin për emërimin e dy anëtarëve të Bordit Mbikëqyrës të Agjencisë Kosovare për Krahasim dhe Verifikim të Pronës, zgjedhjen e dy anëtarëve të Bordit të Radiotelevizionit të Kosovës.
Gjithashtu, pikë e rendit të ditës pritet të jetë edhe pika e papërfunduar nga Seanca plenare, e mbajtur më 6, 7 prill dhe 7 qershor 2023, si ajo për votimin e Propozim-Rezolutës për punën dyvjeçare të Qeverisë së Kosovës.
Kryesia e Kuvendit gjithashtu do të debatojë, shqyrtojë e votoj edhe shumë pika të tjera që kanë mbetur nga seancat e kaluara të Kuvendit.
