Protesta e shtatë “Serbia kundër dhunës” është mbajtur më 17 qershor në qendër të Beogradit dhe në tubim është paralajmëruar se nga java e ardhshme do të vijojë radikalizimi i protestës, nëse nuk pranohen kërkesat e demonstruesve.
Pas fjalimit të kryeparlamentarit, protestuesit nisën një shëtitje proteste drejt autostradës pranë mbylljes së Autokomandos. Komunikacioni në të dy drejtimet ka qenë i bllokuar në atë pjesë deri në orën 21:00.
Tubimet u organizuan edhe në Novi Sad, Nish dhe Kragujevc.
Protestat nisën pas dy vrasjeve masive që tronditën Serbinë në fillim të majit dhe të mbledhurit kërkojnë shkarkimin e ministrit të Punëve të Brendshme dhe kreut të Agjencisë për Siguri dhe Informacion, si dhe shkarkimin e anëtarëve të Organit Rregullator për Mediat Elektronike dhe udhëheqjen e Shërbimit Publik të Serbisë.
Ata kërkojnë gjithashtu mbylljen e tabloidëve që propagandojnë dhunën, si dhe konfiskimin e frekuencave kombëtare nga televizionet që promovojnë dhunën në programet e tyre.
