Në një konferencë me medie të organizuar në diten e djeshme, Presidenti serb, Aleksandar Vuçiq ka kërkuar lirimin e serbëve të arrestuar nga Policia e Kosovës në veri ditëve të fundit. Ai ka thënë plotësimii kësaj kërkese se ky është kusht për vazhdimin e dialogut.
Sa i përket thirrjeve nga vendet perendimore për vazhdimin e dialogut, Vuçiq ka thënë se ende nuk ka vendosur për ftesen e Borrellit për takimin urgjent të planifikuar të mbahet gjatë javës së ardhshme.
Aleksandar Vuçic ka akuzuar Perëndimin se i lejon gjithçka kryeministrit të Kosovës Albin Kurti.
“Këtu vijmë te vendimi thelbësor i vendeve perëndimore, për të cilin duhet të jemi të vetëdijshëm. Ata lejojnë pushkatimin e serbëve, keqtrajtimin dhe bullizmin e serbëve. Dhe Kurtit i lejohet gjithçka”, tha Vuçic duke shtuar se “Kundër Serbisë po zhvillohet një luftë hibride”.
Presidenti serb tha se ndërkombëtarët i thonë atij se Kosova “është shtet sovran” dhe se nuk mund ta ndalojnë. “Sido që të bëjmë, sado të mirë dhe konstruktivë të jemi, përpiqemi ta përmirësojmë pozicionin, të gjejmë zgjidhje, në thelb nuk do të na ndihmojnë kurrë. Jo për asgjë. Për asgjë. Në fund, ata gjithmonë do të na thonë ‘epo nuk mund ta ndalojmë, është shteti sovran i Kosovës, nuk mund t’i ndalim veprimet e tyre’. Pra, pse jeni atje?”, tha Vuçic
“Ai provokon, do konflikt, do luftë me çdo kusht”, tha ai, duke folur për Kurtin.
