Deputeti i Lidhjes Demokratike të Kosovës Avdullah Hoti, në emisionin Rubikon në Klan Kosova ka folur rreth situatës në veriun e vendit.
Ai tha se presidentja e Kosovës Vjosa Osmani dhe kryeministri i Kosovës Albin Kurti, në çdo vendim që po marrin po thellohen edhe më tutje në batakun ku kanë rënë.
“Lëvizjet e tyre pavarësisht se ishin të drejta nga aspekti ligjor dhe kushtetues, lëvizje të cilat i shtynë përfaqësuesit politik të serbëve të largohen nga institucionet, veprimi për tabela, veprimi për të mbajtur zgjedhje, veprimi për t’i shtyrë zgjedhjet pastaj. për t’i mbajtur prapë zgjedhjet duke e ditur që në ditën e fundit, u tërhoq nga procesi zgjedhor edhe një kandidat i vetëm serb”, tha Hoti në Klan Kosova.
“Mbajtja e zgjedhjeve me 2-3 për qind, pastaj certifikimi i zgjedhjeve me 2-3 për qind. Mendoj që është gabim”, theksoi ai.
