Një betejë e vërtetë mes emrave të mëdhenj në Evropë për anësorin e Zi-kaltërve. E thonë anglezët.
Nga Anglia janë të sigurt: Real Madrid dhe Manchester United janë në gjurmët e Federico Dimarco-s nga Interi. Pas sezonit të shkëlqyer me zi-kaltërit, ku u shpërblye edhe nga UEFA me Top 11 të Ligës së Kampionëve si dhe një nga mbrojtësit më të mirë në Serie A, klasa e 97-ës do të kishte avance nga emra të mëdhenj në Europë. Klubi zi-kaltër mund të ketë nevojë të shesë disa lojtarë dhe merkato nxehet rreth anësorit të majtë.
Federico Dimarco ka treguar se ka shumë cilësi në bagazhin e tij dhe për këtë ka tërhequr vëmendjen e klubeve të ndryshme, mbi të gjitha Real Madrid në La Liga dhe Manchester United në Premier League. Paraqitjet e tij nuk kanë kaluar pa u vënë re sidomos në Champions League, ku luajti finalen me Interin. Teknikë e shkëlqyer dhe shumë vrap si dhe mundësia për të luajtur në role të shumta. Një lojtar që është rritur vit pas viti dhe ka fituar vendin si titullar te Zi kaltërit, ku është rritur si fëmijë. Tani, megjithatë, siç raporton Independent, tregu rreth tij po nxehet.
