Vazhdon gara me kohën për të gjetur Titanin qe mban pesë persona në rrugën për në rrënojat e Titanikut. Kush është Stockton Rush, shpikësi i nëndetëses së zhdukur. Një ekzekutiv i OceanGate tha se Titan nuk ishte i sigurt dhe u pushua nga puna
Përpjekjet masive të kërkimit dhe shpëtimit të Titanit zhytës, i cili ishte drejtuar për në rrënojat e Titanikut më shumë se 4 ditë më parë, kanë hyrë në fazën më kritike. Për zbulimin e mjetit dhe të 5 anëtarëve të ekuipazhit, ka mbetur vetëm një natë para se të mbarojnë furnizimet me oksigjen, sipas vlerësimeve.
Megjithëse zyrtarët e Rojës Bregdetare të SHBA kanë përsëritur se janë “të sigurt”, duke theksuar përfshirjen e vazhdueshme të burimeve dhe ekspertëve në operacion, sfida e gjetjes dhe rikuperimit të nëndetëses duket gjithnjë e më e vështirë.
Edhe pse shumë shpresa janë ende të vendosura në Zanor të aftë për të kapur të dhëna zanore në thellësi të mëdha. “Ndonjëherë e gjeni veten në një pozicion ku duhet të merrni një vendim të vështirë. Ne nuk jemi ende në atë pikë,” tha kapiteni Jamie Frederick, duke shtuar se misioni i kërkim-shpëtimit mbetet “100% aktiv”.
Operacionet e shpëtimit – të cilat përfshijnë vendosjen e avionëve ushtarakë amerikanë dhe kanadezë, anije të Rojës Bregdetare dhe mjete ajrore pa pilot – po përqendrohen në Atlantikun e Veriut, pranë zonave ku janë zbuluar “zhurma të shumta nëndetëse” nga e marta deri të mërkurën.
Në nendetëse gjenden miliarderin britanik Hamish Harding dhe manjati pakistanez Shahzada Dawood dhe djali i tij Suleman, gjithashtu me nënshtetësi britanike, si dhe drejtori ekzekutiv të kompanisë, Stockton Rush dhe operatori francez Paul-Henri Nargeolet. Harding kishte shkruar në profilin e tij në Instagram se, ai i Titanit, do të ishte i vetmi mision nëndetësor i vitit për shkak të motit të keq dhe kushteve të pafavorshme të regjistruara në zonën ku u mbyt Titaniku.
Autonomi deri në mesditën e sotme – njoftoi komandanti i rojes bregdetare amerikane, Jamie Frederick në një konferencë për shtyp, duke saktësuar se në bord ka “racione të kufizuara” ushqimi dhe uji. Furnizimet ajrore janë gjithnjë e më pak: deri tani diapazoni është deri në mesditën e sotme.
Shpëtuesit e përfshirë në kërkimet për batiskafin dëgjuan të shtëna çdo 30 minuta dhe katër orë më vonë pajisjet zanore të vendosura në zonë zbuluan sinjale të tjera të rregullta, por “kërkimet kanë pasur rezultate negative, por vazhdojnë”, thuhet në një twitter të Rojës Bregdetare.
