Komisioneri Evropian Breton paralajmëron pronarin e Teslës: “Nëse teknologjia nuk është gati, platforma duhet të ketë burime të mjaftueshme për të mbushur boshllëkun” Paralajmërimi për platformën: pak më shumë se dy muaj për të respektuar legjislacionin e BE-së
Twitter duhet të forcojë burimet e tij deri më 25 gusht për të qenë në gjendje të pajtohet me legjislacionin e ri ambicioz të Evropës për përmbajtjen në internet, paralajmëroi komisioneri evropian Thierry Breton pas takimit të tij me Elon Musk.
“Nëse teknologjia nuk është gati, ata duhet të kenë burime të mjaftueshme për të mbushur boshllëkun. Kam folur për këtë temë specifike me Elon Musk”, u tha Breton gazetarëve pas takimit në selinë e Twitter në San Francisko, ku mori pjesë edhe drejtuesja e re e platformës Linda Yaccarino.
Ndër fushat “kritike” për Twitter janë abuzimi i fëmijëve dhe kontrolli i dezinformatave elektorale, tha Breton. Komisioneri evropian është në një turne në Silicon Valley për të shpjeguar shtrëngimin e BE-së për rregullimin e përmbajtjes dhe projekt-rregullat mbi inteligjencën artificiale, në një takim ballë për ballë me krerët e Twitter, OpenAI dhe Meta Platforms Inc. Më 22 qershor një Ekipi i Unionit kreu një test stresi të “sistemeve të pajtueshmërisë” të Twitter. Platforma ka parë disa rezultate “premtuese”, por është duke u thirrur të respektojë në disa fusha specifike.
Platforma e mikroblogimit ka afat deri më 25 gusht për të zbatuar Aktin e Shërbimeve Dixhitale të BE-së, i konsideruar si grupi më i rreptë i rregullave në botë në lidhje me kontrollin e përmbajtjes online. Breton u shpreh i kënaqur me takimin dhe deklaroi se biseda me Musk ishte “konstruktive”. Vetë Musk, raporton Breton, ka “sqaruar se do të respektojë rregulloren dhe se beson se Akti i Shërbimeve Dixhitale është një tekst i mirë dhe kjo është ajo që ne duam. Por ka ende punë për të bërë”.
