“Dështimi i kryengritjes ka dobësuar qeverinë e Putinit”
Rebelimi i Yevgeny Prigozhin mund të ketë dështuar, por Kremlini tani po përballet me një situatë “thellësisht të paqëndrueshme”.
Kështu pretendon Instituti për Studimin e Luftës (ISW).
Dështimi i rebelimit dhe “zgjidhja afatshkurtër” – në formën e një armëpushimi të dukshëm me Grupin Wagner – ka të ngjarë të “dëmtojë ndjeshëm” sundimin e Putinit dhe përpjekjet ruse të luftës në Ukrainë, shkruajnë analistët e ISW.
“Rebelimi ekspozoi dobësinë e forcave ruse të sigurisë dhe demonstroi paaftësinë e Putinit për të përdorur forcat e tij në kohën e duhur për të zmbrapsur një kërcënim të brendshëm, duke gërryer më tej monopolin e tij mbi forcën.”
Analistët vunë në dukje gjithashtu se luftëtarët Wagner u pritën – në disa raste – ngrohtësisht nga banorët e Rostov-on-Don.