Mediat shtetërore ruse raportojnë se është arritur një marrëveshje që shefi i grupit mercenar rus Wagner, Yevgeny Prigozhin, të largohet nga Rusia dhe të vendoset në Bjellorusi. Thihet se është arritur marrëveshje që akuzat kundër tij dhe grupit të tij të hidhen poshtë “për të shmangur gjakderdhjen”.
Zëdhënësi i Kremlinit, Dmitry Peskov, tha se mercenarët e Wagnerit që dëshirojnë të nënshkruajnë kontratë me Ministrinë ruse të Mbrojtjes, mund ta bëjnë këtë, dhe se luftëtarët që morën pjesë në rebelimin e sotëm, nuk do të ndiqen penalisht.
Prigozhin dha urdhrin për rebelim në mbrëmjen e 23 qershorit, duke akuzuar ushtrinë ruse për sulme vdekjeprurëse kundër forcave të tij në Ukrainë. Por, pas gati 24 orësh, ai u dha urdhër forcave të tij që të tërhiqen, për të shmangur, siç tha edhe ai, gjakderdhjen.
Prigozhin dhe grupi i tij u akuzuan për nxitje të rebelimit të armatosur kundër ushtrisë ruse. Mercenarët e Wagnerit, në orët e para të së shtunës, morën kontrollin e qytetit Rostov-on-Don, pranë kufirit me Ukrainën, dhe u nisën drejt Moskës. Presidenti rus, Vladimir Putin, i cilësoi këto veprime të Wagnerit si “tradhti”.
E gjithë bota mbeti e hutuar dhe shqetësimi ishte i madh nga kjo ngjarje prnadaj edhe i kanë kushtuar vëmendje të madhe gjatë gjithë kohes.
