Më 13 qershor, një anije peshkimi u mbyt me të paktën 82 të vdekur
Athina kishte injoruar një ofertë nga agjencia evropiane e kufirit Frontex për ndihmë ajrore përpara fundosjes së varkës së emigrantëve më 13 qershor që la të paktën 82 të vdekur dhe qindra të zhdukur në brigjet e Greqisë.
Këtë e ka bërë të ditur Frontex.
Agjencia e BE-së “u ofroi mbështetje ajrore shtesë autoriteteve greke më 13 qershor, por nuk mori asnjë përgjigje”, tha shërbimi për shtyp i Agjencisë Evropiane të Kufirit dhe Rojës Bregdetare me bazë në Varshavë.
Në ditën e tragjedisë, qendra koordinuese italiane (MRCC) kishte urdhëruar avionin e Frontex të kërkonte anijen në orën 8:33 me orën lokale. Ky i fundit është parë në orën 9:47, sipas Frontex.
“Aeroplani vëzhgoi anijen e peshkimit për 10 minuta përpara se të detyrohej të kthehej në bazë për të furnizuar me karburant”, saktësoi Frontex.
Tashmë dhjetë ditë më parë, agjencia evropiane kishte raportuar se u kishte propozuar grekëve të dërgonin një dron për të patrulluar mbi detin Egje. Autoritetet greke, megjithatë, kishin kërkuar që të dërgonin dronin në një tjetër shpëtim në Kretën jugore, ku 80 persona ishin në rrezik, sipas Frontex.
