Mbetjet e gjetura në Kaliforni janë të aktorit Julian Sands. E konfirmon policia duke shtuar se shkaku i vdekjes po hetohet
Mbetjet njerëzore të gjetura në malet e Kalifornisë janë ato të aktorit britanik Julian Sands, i cili u zhduk në një shëtitje në janar. Kjo u raportua nga CNN duke cituar policinë, tre ditë pas zbulimit të mbetjeve nga disa alpinistë.
“Procesi i identifikimit për trupin e gjetur në malin Baldy më 24 qershor 2023 ka përfunduar dhe ai është identifikuar pozitivisht si Julian Sands, 65 vjeç. Mënyra e vdekjes është ende nën hetim, në pritje të rezultateve të mëtejshme të testit”, tha në një deklaratë Departamenti i Sherifit të Qarkut San Bernardino.
