Ish-ministri i Shëndetësisë, Ferid Agani, në një intervistë në DPT te Fidani ka folur për herë të parë pasi është shpallur i pafajshëm.
Agani ka thënë se gjithë periudhën që është përballë me drejtësinë, e ka marrë si një proces që ndodh në politikë.
Ai ka thënë se e ka pas shumë të vështirë që të vazhdonte procesin e ligjërimit në universitet, meqë ndaj tij ishte ngritur aktakuzë.
“E njëjta gjë ka qenë edhe për gatishmërinë time për të dalë dhe për të kërkuar votën, në situatën kur shteti kishte ngritur dyshimet. Në këto dyjat kam pasur vështirësi të madhe për t’i tejkaluar”, ka thënë Agani.
“E kam perceptuar si një sprovë”, ka shtuar tutje.
Në këtë intervistë në DPT, Agani ka folur edhe për reformën që kishte nisur në sistemin e shëndetësisë dhe se si ishte ngritur aktakuzë në fund të mandatit të tij si ministër.
Agani ka thënë se aktakuza ndaj tij ka qenë qartazi me motive politike dhe për eliminim politik.
