Ka marrë flakë gjatë natës lokali i këngëtarit të njohur Noizy në zonën e Currilave të Durrësit.
Kjo është djegia e dytë, që dyshohet sërish të jetë e qëllimshme, brenda këtij muaji në lokalin në emër të babait të tij B. Rajku.
Në vendngjarje kanë arritur forca të shumta policie, zjarrfikëse si dhe një autoambulancë.
Zjarri në herën e parë të këtij muaji u njoftua nga vetë biznesi se ka qenë si pasojë e një shkëndije elektrike, duke shkaktuar vetëm dëme materiale.
Ndryshe, prej vitesh Noizy përveç muzikës ka investuar kohën e tij edhe në fushën e biznesit dhe lokali nukështë veprimtaria e tij e vetme në biznes.
Ai është edhe dizajnues i një koleksioni veshjesh nën emrin “Illyrian”, të cilat shiten në disa pika të ndryshme, që gjithashtu janë në posedim të tij. /TCH/
