41
Në mbledhjen e sotme të qeverisë është votuar shqyrtimi i platformës vjetore të politikës së Inteligjencës dhe Sigurisë për vitin 2023.
Sipas kryeministrit të vendit, Albin Kurti, qëllimi parësor është avancimi i inteligjencës paralajmëruese dhe parandaluese në funksion të sigurisë nacionale.
“Ky dokument strategjik përmban udhëzimet e përgjithshme për punën dhe aktivitetin e AKI-së për vitin 2023”, tha Kurti, njofton Klankosova.tv.
Tutje, ai bëri të ditur se pas miratimit në qeveri, platforma vjetore i dorëzohet organit mbikëqyrës parlamentar për informim dhe drejtorit të AKI-së.
