Kryetari i Prishtinës, Përparim Rama, ka njoftuar se pas erërave të forta dhe shiut të rrëmbyeshëm që përfshiu kryeqytetin këtë të shtunë, ekipet kanë dalë në terren për të sanuar dëmet e shkaktuara.
Ai ka bërë të ditur se reagimi ka qenë i menjëhershëm, duke e larguar lisin që u rrëzua në rrugën “Luan Haradinaj” si dhe është pastruar zona.
“Ju informojmë se jemi të angazhuar maksimalisht me të gjitha ekipet tona në terren për të sanuar dëmet e shkaktuara nga stuhia e shiut. Reagimi i ekipeve tona në terren bashkë me zjarrfikësit ka qenë i menjëhershëm, kemi larguar lisin e rrëzuar nga rruga “Luan Haradinaj” dhe e kemi pastruar zonën”, ka shkruar Rama në Facebook.
Kryetari ka falënderuar punëtorët e ndërmarrjes Hortikultura për reagimin e shpejt.
https://www.facebook.com/perparimrama2021/posts/580483050914877?ref=embed_post
