I ndjekur nga mbi 8.5 milionë ndjekës, ai vdiq në krahët e partneres së tij nga një aneurizëm
Jo Lindner, i njohur si @joesthetics në Instagram, ishte një influencer dhe bodybuilder gjermane, e cila kishte vite që jetonte në Tajlandë. I njohur nga entuziastët e fitnesit në mbarë botën, profili i tij ndiqet nga më shumë se 8.5 milionë ndjekës.
Konfirmimin e vdekjes e ka dhënë partnerja e tij Nicha, e njohur si @immapeaches, gjithashtu një entuziaste fitnesi dhe instagramiste e cila në një postim ka publikuar një foto të tyre së bashku, duke shkruar pranë saj “Dje u largua për aneurizëm”.
Ai pat pranuar se kishte marrë steroid si i ri, por më vonë ishte shkëputur nga përdorimi i substancave të tilla dhe madje ndau fotografi të operacionit të tij gjinekomastik me shpresën për të paralajmëruar të tjerët kundër përdorimit të suplementeve të caktuara.
Ndiqej nga miliona njerëz që e admiruan mënyrën e tij të kujdesit për trupin dhe ndoqën këshillat e tij për të rritur masën muskulore.
Në realitet ai i kishte besuar disa muaj më parë youtuberit Bradley Martyn se kishte një sëmundje që rrezikonte funksionimin e rregullt të muskujve dhe se meqenëse zemra është një muskul, ai kishte frikë se një ditë mund të pësonte një atak në zemër.
