Moti në Kosovë gjatë 5 ditëve të ardhshme do të jetë kryesisht me diell dhe me vranësira të pjesshme, ka njoftuar Instituti Hidrometeorologjik i Kosovës.
Të hënën temperaturat minimale do të sillen mes 12-16 gradë Celsius, ndërsa maksimalet parashihet të lëvizin mes 25-29 gradë Celsius.
Mot kryesisht i ngjashëm do të jetë edhe të martën. Temperaturat maksimale parashihen të arrijnë në 30 gradë Celsius.
Të mërkurën moti do të jetë kryesisht me diell e pjesërisht me vranësira. Vranësirat do të shoqërohen me shi e shkarkime rrufesh.
“Kjo situatë do të krijojë kushte për erëra të përcjella me stuhi”, është thënë nga Instituti Hidrometeorologjik i Kosovës.
Mot i ngjashëm do të mbajë edhe ditën e enjte, ndërsa reshjet mund të përfshijnë territore të ndryshme.
Ndërkohë të premten do të ketë mot të vranët e me intervale me diell. Parashihet shi e shkarkime rrufesh.
“Gjatë këtyre pesë ditëve të parashikimit do të fryjë erë nga drejtimi i verilindjes dhe veriperëndimit e lehtë dhe lokalisht e fortë. Pas datës 8 korrik sipas parashikimeve numerike shihet një stabilizim i përkohshëm i kushteve meteorologjike. Muaji qershor u përmbyll me sasi rekorde të reshjeve në raport me mesataret e viteve tjera. Pothuaj se në të gjitha stacionet janë regjistruar mbi 100mm reshje, përpos lindjes dhe juglindjes ku kemi më pak se 100mm reshje”, thuhet nga Instituti.
