Menaxheri i sapoemëruar i Al-Ettifaq, Steven Gerrard, po përgatit një lëvizje ambicioze për kapitenin e Liverpool, Jordan Henderson.
Sipas Daily Mail, Henderson tani është në shënjestër të ish-shokut të tij të skuadrës, por mbetet për t’u parë nëse kapiteni i Reds do të joshet për një kalim në Lindjen e Mesme.
Mesfushori anglez, 33, ka edhe dy vite të mbetura në marrëveshjen e tij aktuale në Anfield.
Henderson iu bashkua Liverpool-it në qershor të vitit 2011 dhe ka bërë 492 paraqitje, duke qenë kapiten i skuadrës në triumfimet e Premier League dhe Champions League.
Një tjetër yll që raportohet me interes për shefat e Al-Ettifaq është sulmuesi i Chelseat, Pierre-Emerick Aubameyang.
34-vjeçari do të ishte lojtari më i fundit i Bluve që do të kalonte në Pro League pas largimeve të konfirmuara të N’Golo Kante, Kalidou Koulibaly dhe Edouard Mendy.
Thuhet gjithashtu se ka spekulime për lëvizjen e Al-Ettifaq për sulmuesin e Bayern Munichut, Sadio Mane dhe lojtarin e Villa, Philippe Coutinho, megjithëse mendohet se nuk ka gjasa që njëri nga lojtarët të përfundojë një transferim.
